КІЕЎ. Прынамсі 3 тысячы асобаў узялі ўдзел ва ўчарашняй дэманстрацыі, якая прайшла на галоўнай плошчы ўкраінскай сталіцы. Удзельнікі акцыі патрабавалі адстаўкі прэзыдэнта Леаніда Кучмы.
Прамаўляючы да прысутных, былы намесьнік прам’ер-міністра Украіны Юлія Тымошэнко заявіла, што “мы ня можам даць Кучму права разьдзяліць і зьнішчыць нас”. Масавыя акцыі апазыцыі заплянаваныя на наступны панядзелак – тады спаўняецца два гады як зьнік журналіст Георгій Гангадзэ.