ВАШЫНГТОН. Напярэдадні гадавіны трагічных падзеяў 11 верасьня дзяржаўны дэпартамант ЗША папярэдзіў грамадзянаў краіны пра магчымыя новыя тэракты і заклікаў да пільнасьці. Усе ваенныя базы ЗША – у стане поўнай гатовасьці. Пасольствы краіны на Філіпінах, у Інданэзіі, Малайзіі й Пакістане – часова зачыненыя. Кіраўніцтва ваенна-марскога флёту ЗША папярэджвае пра небясьпеку судаходзтва ў Пэрсыдзкай затоцы, дзе сябры “Аль-Кайды” могуць паспрабаваць атакі на нафтавыя танкеры.