МЕНСК. Беларускія ўлады адмовіліся працягнуць візу грамадзянцы ЗША Мэган Фіцжэральд, якая працуе ў кансультацыйна-назіральнай групе АБСЭ ў Менску. Спадарыня Фіцжэральд, якая з’яўляецца першым сакратаром місіі АБСЭ, павінна пакіуць краіну ў чацьвер – менавіта ў гэты дзень канчаецца тэрмін яе беларускай візы. Гэта чарговы выпадак адмовы ў аднаўленьні візы супрацоўніку КНГ АБСЭ ў Беларусі. Кіраўнік Беларусі Аляксандар Лукашэнка абвінаваціў АБСЭ ва ўмяшальніцтве ва ўнутраныя справы краіны і фінансаваньні апазыцыі.