ПЭКІН. Кіраўніцтва кітайскай правінцыі Хунань спадзяецца, што разьліў возера Данцінг дасягнуў свайго піку. У 1998 годзе пры разьліве гэтага возера загінулі 4 тысячы чалавек.
Зараз з навакольля возера эвакуяваныя 600 тысячаў чалавек. У Хунані загінула 16 чалавек, абрынуліся 27 тысячаў дамоў.
Ва В’етнаме на мінулым тыдні ад паводкі загінула 7 чалавек, агульная колькасьць загіблых ва В’етнаме ад паводкі складае 44 чалавека.
6 чалавек загінулі ад паводкі ў Камбоджы.