БЭРЛІН. Сёньня перад нямецкім судом прадсталі сябры ірацкай апазыцыйнай групоўкі, якія захапілі ўчора ірацкую амбасаду ў Бэрліне і на працягу пяці гадзінаў ўтрымлівалі там закладнікаў.
Паводле бэрлінскіх уладаў, у арыштаваных канфіскаваныя пісталет, электрашокер і газавыя пісаталеты. Групоўка, якая назвала сябе “Дэмакратычная ірацкая апазыцыя ў Нямеччыне" заявіла, што прыняла рашэньне адносна захопу амбасады у знак пратэсту супраць рэжыму Садама Хусэйна. ЗША і Нямеччына асудзілі акцыю.