ХІРАСІМА. ЯПОНІЯ. Тысячы людзей сабралiся сёньня ў Хiрасiме, каб адзначыць 57-ыя ўгодкi атамнага бамбаваньня гораду амэрыканскай авiяцыяй. Выступаючы на жалобнай цырымонii, прэм’ер-мiнiстар Японii Дзюн’iцiра Каiдзумi зноў заявiў, што ягоная краiна ня мае намеру распрацоўваць цi набываць атамнае ўзбраеньне. У вынiку бамбаваньня Хiрасiмы 6 жнiўня 1945 году загiнулi каля 140 тысячаў чалавек, сотнi тысячаў людзей захварэлi на прамянёвую хваробу.