НЬЮ-ЁРК. Генэральная асамблея Арганiзацыi Аб’еднаных Нацыяў на сваёй адмысловай сэсii 5 жнiўня абмяркуе справаздачу камiсii ААН, якая высьвятляла абставiны iзраiльскай акупацыi лягеру палестынскiх уцекачоў Джэнiн. Палестынцы цьвердзiлi, што iзраiльскiя вайскоўцы выразалi болей як 400 чалавек у лягеры на пачатку красавiка сёлета. Справаздача была выпушчаная ўчора. У ёй зробленая выснова, што i iзраiльцы, i палестынцы вiнаватыя ў тым, што адбывалася ад 2-га да 12-га красавiка, але не было нiякай разьнi, пра якую заяўлялi палестынцы.