СЫДНЭЙ. Аўстралiя ня мае намеру адмаўляцца ад падтрымкi палiтыкi Злучаных Штатаў адносна Іраку. Гэтая заява прагучэла ў адказ на пагрозу Багдаду скарацiць iмпарт аўстралiйскай пшанiцы ў два разы, а калi сытуацыя ня зьменiцца, то i зусiм адмовiцца ад паставак зерня з Аўстралii. Два тыднi таму Аўстралiя параўнала нерашучасьць усясьветнай супольнасьцi адносна Багдаду, якi спрабуе завалодаць зброяй масавага зьнiшчэньня, з палiтыкай улагоджваньня iншага агрэсара – нацысцкай Нямеччыны.