КІЕЎ. Сотнi ўкраiнскiх гарнякоў сёньня пратэставалi ва ўкраiнскай сталiцы супраць нiзкiх заробкаў i цяжкага стану галiны вытворчасьцi. Яны таксама патрабавалi павелiчэньня субсыдыяў ў вугальную прамысловасьць. Гэта ня першая акцыя ўкраiнскiх гарнякоў, якiя сутыкнулiся з самымi небясьпечнымi ўмовамi працы на капальнях у сьвеце. Каля 35 гарнякоў загiнулi ў часе пажару на адной з капальняў у Данецкай вобласьцi на пачатку гэтага месяца.