НІКАСІЯ. На Кіпры ў авіякатастрофе загінулі камандуючы сухапутнымі войскамі Эвангелас Фларакіс і галоўнакамандуючы ваенна-паветраных сілаў Стыліанас Дэменагас. Гэлікоптэр, на борце якога, апрача генэралаў, знаходзіліся яшчэ тры чалавекі, згубіў кіраваньне і разьбіўся недалёка ад гораду Пафас. Генэралы сачылі за вайсковымі вучэньнямі. Паводле заявы міністра абароны Кіпру журналістам, прычыны аварыі пакуль ня высьветленыя. У падпарадкаваньні генэрала Фларакіса знаходзілася 12-тысячнае войска – адно з самых баяздольных у рэгіёне.