ГАЗА. “Жаданьне Ізраілю і надалей кантраляваць палестынскія тэрыторыі даказвае, што прэм’ер-міністар Ізраілю Арыэль Шарон хоча блякаваць мірныя перамовы.” Так пракаментаваў сёньняшнія рэйды ізраільскіх войскаў палестынскі прадстаўнік Саэб Эрэкат.
У адказ на ўчорашні выбух бомбы палестынскім самазабойцам, пры якім загінула 19 чалавек, а больш за 50 былі параненыя, ізраільскія войскі ўвайшлі ўначы ў Джэнін, Наблус і Калькілію.