ПАРЫЖ. У Францыі закончылася галасаваньне ў другім туры выбараў у парлямэнт краіны. Папярэднія афіцыйныя вынікі чакаюцца сёньня позна ўвечары. Паводле апытаньняў, што праводзіліся на выхадзе з выбарчых участкаў, , правыя і цэнтрысцкія сілы, згуртаваныя вакол новаабранага прэзыдэнта Жака Шырака, перамагаюць на выбарах зь вялікай перавагай. Сацыялісты пацярпелі на выбарах паразу і страцяць кантроль над Нацыянальнай Асамблеяй.