ЕРУСАЛІМ. Як паведамляе ізраільскае радыё, прэм’ер-міністар Арыэль Шарон выключыў магчымасьць абвяшчэньня палестынскай дзяржавы ў найбліжэйшай будучыні. Гэтую заяву Шарон зрабіў на штодзённым паседжаньні свайго кабінэту. Прэзыдэнт Злучаных Штатаў Джордж Буш гэтымі выходнымі сустракаецца са сваімі дараднікамі, каб выпрацаваць новую блізкаўсходнюю палітыку і спыніць канфлікт, які працягваецца 21 месяц. На мінулым тыдні Буш абвясьціў, што разглядае магчымасьць стварэньня палестынскай дзяржавы.