ПРАГА. У Чэхіі сёньня пачаліся выбары ў парлямант. Выбары працягнуцца два дні. Правая Грамадзянская дэмакратычная партыя, якую ўзначальвае старшыня парляманту Чэхіі Вацлаў Клаўс, мае амаль аднолькавыя шанцы на перамогу з Чэскай сацыяльна-дэмакратычнай партыяй начале з віцэ-прэм’ерам Уладзімірам Шпідлам. Цалкам верагодна, што ў парлямант будуць абраныя таксама Кааліцыя, складзеная з правых партый, і Камуністычная партыя Чэхіі і Маравіі.