ВАШЫНГТОН. Дзяржаўны сакратар Злучаных Штатаў Колін Паўэл паведаміў, што прэзыдэнт Джордж Буш сустрэнецца ў канцы гэтага тыдня зь міністрам замежных справаў Савудаўскай Арабіі прынцам Савудам. Падчас сустрэчы Буш выкладзе свае погляды на шляхі стварэньня Палестынскай дзяржавы і забесьпячэньне бясьпекі Ізраілю. Савудаўскі міністар зьбіраецца паўтарыць арабскія патрабаваньні да Буша, каб ён прысьпешыў працэс стварэньня палестынскай дзяржавы і прымусіў Ізраіль адмовіцца ад права на Заходні Бераг, Паласу Газа і частку Ерусаліму.