САНКТ-ПЕЦЯРБУРГ. Расея і Казахстан падпісалі пагадненьне аб транзыце казаскай нафты праз тэрыторыю Расеі. Пагадненьне было падпісанае падчас сустрэчы прэзыдэнтаў Уладзіміра Пуціна і Нурсултана Назарбаева ў кулюарах эўразійскай рэгіянальнай канфэрэнцыі ў пытаньнях бясьпекі. Паводле ўмоваў 15-гадовага пагадненьня, штогод транзытам праз расейскую тэрыторыю будзе транспартавацца 17 з паловай мільёнаў тонаў казаскай нафты.