КАБУЛ. Афганскія афіцыйныя асобы паведамляюць, што ўплывовы палявы камандзер генэрал Абдуррашыд Дустум быў абраны прадстаўніком у Лоя Джыргу – Народны Сход. Абраньне Дустума адбылося насуперак рэкамэндацыям не дапускаць у Лоя Джыргу ваенных лідэраў. Народны Сход у колькасьці 1501 дэпутата зьбярэцца 10 чэрвеня, каб абраць новы ўрад Афганістану, які 22 чэрвеня мае пераняць уладу ад цяперашняга часовага ўраду Хаміда Карзая.