ВАШЫНГТОН Кангрэс ЗША даслаў сёньня прэзыдэнту Джорджу Бушу праект закону, які ўхваляе пашырэньне НАТО і фінансавую дапамогу краінам-кандыдатам. Згодна з законапраектам, сем краінаў – Баўгарыя, Эстонія, Латвія, Літва, Славакія, Славенія ды Румынія мусяць атрымаць 55 мільёнаў даляраў на ўзмацненьне бясьпекі. Паводле старшыні камісіі Сэнату ЗША па міжнародных стасунках Джозэфа Бідэна, праект закону дапможа НАТО пашырыць зону стабільнасьці ў Эўропе на ўсход і поўдзень. НАТО мусіць вырашыць на сёлетнім саміце ў Празе, ці прымаць у Альянс новыя краіны.