БІШКЕК. На поўдні Кыргыстану ў месьце Майлі-Суу сыйшоў апоўзень, які заблякаваў мясцовую рэчку і стварыў пагрозу затапленьня 23 магільнікаў радыёактыўных адкідаў, якія былі выкінутыя з уранавых шахтаў у 60-гадох мінулага стагодзьдзя. Апоўзень утварыўся ў выніку даджоў. Наш карэспандэнт у Бішкеку паведамляе пра пагрозу суседняму Ўзбэкістану. На месцы здарэньня працуе група ядзерных экспэртаў з эўрапэйскіх і азыяцкіх краінаў, якія вывучаюць магчымасьць пераносу радыёактыўных адкідаў у іншае месца.