БЭРЛІН. Паводле ўдакладненых зьвестак нямецкай паліцыі, колькасьць ахвяраў учорашняй страляніны ў школе ў нямецкім горадзе Эрфурце складае 17 чалавек, улучна з самым нападнікам. У ранейшых справаздачах паведамлялася пра 18 забітых. Крывавае злачынства ўчыніў 19-гадовы былы вучань, які, як выглядае, быў абураны тым, што яго выключылі са школы. Канцлер Нямеччыны Герхард Шрэдэр сказаў, што краіна перажывае глыбокі шок з прычыны найбольшага масавага забойства ў Нямеччыне ад часоў Другой усясьветнай вайны.