АРГАНІЗАЦЫЯ АБ’ЕДНАНЫХ НАЦЫЯЎ. Сёньня Гэнэральны Сакратар ААН Кофі Анан заклікаў дыслякаваць на Блізкім Усходзе шматнацыянальныя сілы. Анан заявіў Радзе Бясьпекі ААН, што Ізраіль і палестынцы ня ў стане самастойна разьвязаць блізкаўсходні канфлікт. Зь ягоных словаў, шматнацыянальны кантынгэнт мусіць кантраляваць вывад ізраільскага войска з палестынскіх тэрыторыяў і назіраць за захаваньнем замірэньня. Анан лічыць, што ў выніку можна будзе стварыць умовы для ўзнаўленьня перамоваў пра палітычнае разьвязаньне. Раней Злучаныя Штаты адрыналі прапановы пра адпраўку на Блізкі Ўсход міжнародных сілаў. Ізраіль таксама сумняваецца ў дзейснасьці гэткіх захадаў.