ЛЮКСЭМБУРГ. Эўрапейскі Зьвяз выказаў падтрымку дзяржаўнаму сакратару Злучаных Штатаў Коліну Паўэлу ў ягонай блізкаўсходняй місіі і заявіў, што не ўжыве санкцыі супраць Ізраілю ў сувязі з ваеннай кампаніяй на палестынскіх тэрыторыях.. Жозэп Піке, міністар замежных справаў Гішпаніі, якая цяпер старшынюе ў Эўразьвязе, зноў заклікаў Ізраіль вывесьці сваё войска з палестынскіх тэрыторыяў, а Ясіра Арафата прыкласьці стопрацэнтныя намаганьні для спыненьня хвалі тэрора супраць ізраільскага цывільнага жыхарства.