ТЭЛЬ-АВІЎ. Дзяржаўны сакратар Злучаных Штатаў Колін Паўэл сёньня заявіў, што на запрапанаванай Ізраілем блізкаўсходняй мірнай канфэрэнцыі прысутнасьць Ясіра Арафата неабавязковая. Паводле Паўэла, Арафат можа прызначыць для ўдзелу ў канфэрэнцыі іншых палестынцаў. Паўэл назваў скліканьне рэгіянальнай або міжнароднай канфэрэнцыі адзіным спосабам разьвязаньня блізкаўсходняга крызысу. Ізраільскі прэм’ер Арыэль Шарон выступіў зь ідэяй правядзеньня канфэрэнцыі падчас учорашняй кароткай сустрэчы з Паўэлам.