ЕРУСАЛІМ. Ізраіль упершыню дазволіў замежнаму прадстаўніку наведаць палестынскага лідэра, які цяпер акружаны ў сваёй сядзібе ў Рамала. За 1,5-гадзінавую размову бакі абмеркавалі шляхі ажыцьцяўленьня пляну Мітчэла–Тэнэта аб спыненьні агню. Сёньня ізраільскія сілы пашырылі апэрацыю на палестынскіх тэрыторыях і ўвайшлі ў горад Тубас. Паведамляецца пра баі ў Наблусе і Джэніне. Згодна з палестынскім бокам, сёньня загінулі 12 палестынцаў.