ТЫРАНА
Кіраўнікі краінаў паўднёваўсходняй Эўропы сёньня сустрэнуцца ў сталіцы Альбаніі, каб паспрабаваць палепшыць стасункі паміж дзяржавамі рэгіёну. Прэсавы сакратар альбанскага міністэрства замежных справаў паведаміў, што ўдзельнікі сустрэчы паспрабуюць знайсьці шляхі да паляпшэньня палітычнага клімату і ўсталяваньня стабільнасьці і міру на Балканах. На саміце будуць прадстаўленыя Альбанія, Югаславія, Босьнія, Грэцыя, Македонія, Румынія, Турцыя і Харватыя.