ШЫБАРГАН (АФГАНІСТАН). Генэрал Абдуррашыд Дустум, намесьнік міністра абароны часовага афганскага ўраду, вызваліў больш за 250 палонных талібаў, якія апошнія чатыры месяцы ўтрымваліся ў горадзе Шыбарган на поўначы Афганістану. Аднак у турме гэтага гораду надалей застаецца каля 3000 тысячаў вязьняў – у пераважнай большасьці пуштунаў. Вызвальеньне адбылося на загад кіраўніка ўраду Хаміда Карзая ў якасьці знаку прымірэньня з нагоды вясновага сьвята Наўруз. Вызваленыя былі вельмі маладыя, вельмі старыя або хворыя палонныя.