КАБУЛ. Прэсавы сакратар кіраўніка часовага афганскага ўраду Хаміда Карзая Юсуф Нурыстані паведаміў, што сёньня Карзай вярнуўся ў Кабул зь Нямеччыны. Хамід Карзай шукае за мяжою падтрымкі бізнэсовых колаў у дадатак да 4 мільярдаў даляраў, якія міжнародная супольнасьць паабяцала выдзеліць на адбудову зьнішчанага вайною Афганістану. У Бэрліне Карзай падпісаў зь міністрам унутраных справаў Нямеччыны Ота Шылі пагадненьне аб удзеле Нямеччыны ў праграме падрыхтоўкі афганскай паліцыі.