ГАРДЭЗ (АФГАНІСТАН). Амэрыканскае камандаваньне паведамляе, што антытэрарыстычная кааліцыя рыхтуе сёньня новы наступ супраць ваяўнікоў «Аль-Каіды» і «Талібану» у горным раёне на ўсходзе Афганістану. Учора моцны сьнег і вецер спынілі правядзеньне апэрацыі «Анаконда», распачатай тыдзень таму. Аднак, паводле прадстаўніка амэрыканскага камандаваньня маёра Браяна Гілфэрты, дрэннае надвор’е можа паспрыяць амэрыканцам, ускладніўшы жыцьцёвыя ўмовы ваяўнікоў, якія вымушаныя хавацца ў гарах.