КАІР. Міністры замежных справаў 22 арабскіх краінаў абмяркоўваюць сёньня ў Каіры плян разьвязаньня блізкаўсходняга канфлікту, прапанаваны Савудаўскай Арабіяй. Паводле яго, арабскія краіны нармалізуюць адносіны зь Ізраілем у абмен на вывад ізраільскіх войскаў з акупаваных тэрыторыяў. Цягам двухдзённага саміту ў Каіры міністры таксама абмяркуюць нядаўні візыт прэзыдэнта Эгіпту Хосьні Мубарака ў Вашынгтон і перамовы міністра замежных справаў Іраку Наджы Сабры зь Генэральным сакратаром ААН Кофі Ананам.