НЬЮ-ЁРК. Генэральны сакратар Арганізацыі Аб'еднаных Нацыяў Кофі Анан лічыць, што ягоныя перамовы на гэтым тыдні з прадстаўнікамі Іраку былі «добрым пачаткам» у працэсе вяртаньня ў Ірак інспэктароў ААН у пытаньнях узбраеньня. У чацьвер Анан сустракаўся зь ірацкай дэлегацыяй пад кіраўніцтвам міністра замежных справаў Наджы Сабры. Абодва бакі дамовіліся ў красавіку працягнуць перамовы наконт магчымага вяртаньня інспэктароў.