НЬЮ-ЁРК. Генэральны сакратар ААН Кофі Анан плянуе сустрэцца сёньня ў штаб-кватэры ААН зь міністрам замежных справаў Іраку Наджы Сабры. У цэнтры ўвагі перамоваў будзе патрабаваньне Рады Бясьпекі ААН дазволіць інспэктарам у справе ўзбраеньня аднавіць сваю працу ў Іраку. Мэта інспэкцыі праверыць цьверджаньні Іраку аб адсутнасьці ў краіне зброі масавага зьнішчэньня. Інспэктары ААН не дапускаліся ў Ірак ад сьнежня 1998 году.