ДУБЛІН. Сёньня чакаюцца вынікі рэфэрэндуму ў Ірляндыі ў пытаньні аб прыняцьці больш суворага заканадаўства аб абортах. Першым паказьнікам сталася нізкая актыўнасьць удзельнікаў рэфэрэндуму – галасаваць прыйшло значна менш за 62 працэнты – гэтулькі ўдзельнічала ў папярэднім рэфэрэндуме ў гэтым пытаньні 10 гадоў таму. Калі запрапанаваная папраўка да Канстытуцыі краіны будзе прынятая, пагроза самагубства будзе скасаваная ў якасьці прычынаў дазволу аборту. Аборты ў Ірляндыі надалей застаюцца забароненыя.