ГАРДЭЗ (АФГАНІСТАН). Сёньня падчас наступу на сілы талібаў і «Аль-Каіды» ва ўсходнім Афганістане былі забітыя адзін амэрыканскі вайсковец і двое жаўнераў афганскіх урадавых сілаў. Гэта было пацьверджана і ў заяве амэрыканскага камандаваньня, якое каардынуе антытэрарыстычную кампанію ў Афганістане. Апэрацыя, якая адбываецца на поўдзень ад гораду Гардэз у правінцыі Пактыя, - самая вялікая ад часу штурму пячораў Тора-Бора летась у сьнежні.