МАСКВА. Камітэт дзярждумы Расеі ў міжнародных справах мае намер 5 сакавіка абмеркаваць праект пастановы аб прызнаньні незалежнасьці Абхазіі і Паўдзёнаай Асетыі ад Грузіі. Заявы некаторых расейскіх палітыкаў пра магчымы разьдзел Грузіі міністар замежных справаў Грузіі Іраклі Менагарышвілі назваў істэрычнай прапагандай і заявіў, што гаворка ідзе не пра сумесныя грузінска-амэрыканскія апэрацыі, а толькі пра дапамогу ў навучаньні грузінскіх войскаў. Прэзыдэнт Грузіі Эдуард Шэварднадзэ заявіў, што падтрымка ЗША дапаможа Грузіі захаваць бясьпеку межаў і сувэрэнітэт краіны.