НЬЮ-ЁРК. Генэральны сакратар ААН Кофі Анан плянуе сустрэцца 7 сакавіка ў Нью-Ёрку зь міністрам замежных справаў Іраку Наджы Сабры, працягваючы спробы выйсьці з тупіку ў справе інспэкцыяў узбраеньня ў Іраку. Ірацкія ўлады ад 1998 году не пускаюць у краіну інспэктароў ААН і адмаўляюцца падпарадкавацца рэзалюцыі Рады Бясьпекі ААН аб пасылцы ў Ірак новай групы інспэктароў. Ірак цьвердзіць, што больш ня мае зброі масавага зьнішчэньня.