КІШЫНЭЎ. У сталіцы Малдовы акцыі пратэсту апазыцыі набываюць усё больш масавы характар. Сёньня на цэнтральным пляцы Кішынэву сабраліся некалькі дзясяткаў тысячаў чалавек. Апазыцыя патрабуе адстаўкі ўраду, які сфармаваны кампартыяй Малдовы. Падставай для пачатку акцыяў пратэсту, якія працягваюцца больш за месяц, стала ўвядзеньне ў школьную праграму абавязковага вывучэньня расейскай мовы і зьмена курсу ў выкладаньні гісторыі.