ІСЬЛЯМАБАД. Кіраўнік часовага ўраду Афганістану Хамід Карзаі сёньня распачаў афіцыйны візыт у Пакістан. Пасьля перамоваў з прэзыдэнтам Пакістану Пэрвэзам Мушарафам Карзаі выказаў падзяку за прытулак які знайшлі ў Пакістане амаль 3 мільёны афганскіх уцекачоў. Мушараф са свайго боку запэўніў Карзаі ў поўнай падтрымцы ягонага ўраду. Паводле Мушарафа, абодва лідэры вырашылі не дазваляць выкарыстоўваць тэрыторыі Афганістану і Пакістану для дзеяньняў, скіраваных супраць іх інтарэсаў.