КАСЭРЭС (ГІШПАНІЯ). Міністры замежных справаў краінаў Эўразьвязу сёньня і заўтра на сустрэчы ў Гішпаніі абмяркуюць праблемы Балканаў, кошты пашырэньня Эўразьвязу і штораз большыя супярэчнасьці з Вашынгтонам у пытаньні вакол Блізкага Ўсходу. На сустрэчы не плянуецца прыняцьце нейкіх абавязковых пастановаў, аднак чакаецца, што адкрытыя дыскусіі ў заходнегішпанскім горадзе Касэрэс зададуць тон далейшай палітыцы Эўразьвязу.