[ 03:21 ]  НАТО патрабуе ад Македоніі выкананьня мірнай дамовы

СКОП’Е. Генэральны сакратар НАТО Робэртсан сустракаецца сёньня ў Скоп’і з македонскім кіраўніцтвам, каб пераканаць яго ў неабходнасьці поўнага выкананьня мірнага пагадненьня, падпісаньнем якога закончылася леташняе паўстаньне этнічных альбанцаў. Пасьля прылёту ў македонскую сталіцу Робэртсан сказаў, што ў цэнтры перамоваў будзе пытаньне аб амністыі для былых паўстанцаў. Прэзыдэнт Македоніі Трайкоўскі ўжо амніставаў больш за 60 былых ваяўнікоў Нацыянальнай Арміі Вызваленьня Косава.