СОЛТ-ЛЭЙК СІЦІ. Амэрыканскі сьцяг, які знойдзены пад руінамі Ўсясьветнага Гандлёвага Цэнтру ў Нью-Ёрку, будзе ўрачыста ўнесены на стадыён у Солт-Лэйк Сіці ў часе цырымоніі адкрыцьця 19-х зімовых алімпійскіх гульняў. Такое рашэньне прыняў Міжнародны Алімпійскі камітэт разам з прадстаўнікамі краіны-арганізатара Алімпіяды. Пад гукі нацыянальнага гімну сьцяг будзе ўсталяваны побач з аліпійскім агнём у памяць пра ахвяры тэрору 11 верасьня.