ІСЬЛЯМАБАД. Сёньня часовы ўрад Афганістану аднавіў Канстытуцыю краіны, ухваленую ў 1964-м годзе ў часе кіраваньня караля Захіра Шаха. Паводле ісьлямскага агенцтва навінаў, лідэр Афганістану Карзаі абвесьціў несапраўднымі ўсе пастановы і правілы, якія парушаюць асноўны закон. Карзаі прыняў таксама рашэньне пра вяртаньне сонечнага календару замест месячнага, які ўвялі талібы пасьля захопу ўлады ў Афганістане.