ШАРМ ЭЛЬ-ШЭЙХ (Эгіпет). Сёньня ў Эгіпце пачынае працу двухдзённая канфэрэнцыя донараў у часе якой краіна спадзяецца разьвязаць пытаньне пра пазыку ў два з паловай мільярды даляраў, патрэбных Каіру, каб справіцца з эканамічным спадам, які павялічыўся пасьля падзеяў 11 верасьня ў ЗША. У канфэрэнцыі бяруць удзел прадстаўнікі 37 краінаў і шматлікіх міжнародных арганізацыяў. Паведамляецца, што пасьля 11 верасьня Эгіпет толькі на турызме страціў тысячы мільёнаў даляраў.