АРГАНІЗАЦЫЯ АБ’ЕДНАНЫХ НАЦЫЯЎ. Прадстаўнікі ААН сказалі, што Ірак заявіў пра гатовасьць узнавіць перамовы з ААН без якіх бы там ні было папярэдніх умоваў. Пра гэта Гэнэральнаму сакратару ААН Кофі Анану паведаміў кіраўнік Арабскай лігі Амр Муса. Кофі Анан гатовы прыняць ірацкую дэлегацыю з мэтай абмеркаваньня пытаньняў рэалізацыі адпаведных рэзалюцыяў Рады Бясьпекі, якія прадугледжваюць вяртаньне ў Багдад інспэктараў ірацкай ваеннай праграмы. Дата перамоваў пакуль не ўсталяваная.