ТАЛІН. Балтыйскія краіны выказалі незадавальненьне плянамі Эўразьвязу ўвесьці 10-гадовы пераходны пэрыяд, перш чым новапрынятыя краіны атрымаюць раўнапраўны доступ да сельскагаспадарчых субсыдыяў Эўразьвязу. Эўрапейская камісія абвясьціла ўчора, што сельскія гаспадары новапрынятых краінаў могуць спачатку спадзявацца на субсыдыі ў памеры 25 працэнтаў, якія штогод будуць павялічвацца і дасягнуць 100 працэнтаў у 2013 годзе.