БІШКЕК. ЗША ня маюць намеру ствараць сталую ваенную базу ў сярэдняазіяцкім рэгіёне. Пра гэта заявіў сёньня падчас свайго візыту ў Кыргызстан камандуючы ваеннай апэрацыяй ЗША ў Афганістане Томі Фрэнкс. У той жа час генэрал Фрэнкс патлумачыў, што амэрыканскія жаўнэры застануцца ў рэгіёне да тае пары, пакуль не зьліквідуюць базы тэрарыстаў. Зараз камандуючы амэрыканскімі войскамі ў Афганістане наведвае сталіцы краінаў Сярэдняй Азіі. Сёньня ў Бішкеку ён абмяркоўваў зь кіраўніцтвам Кыргызстану праблемы ўдзелу гэтай краіны ў антытэрарыстычнай апэрацыі.