ВАШЫНГТОН. Прадстаўнік Белага дому паведаміў сёньня, што лідэр часовай адміністрацыі Афганістану Карзаі ў бліжэйшым часе сустрэнецца ў Вашынгтоне з прэзыдэнтам Злучаных Штатаў Бушам. Дакладная дата візыту пакуль ня вызначаная. Але амэрыканскі пасланец у Афганістане ўручыў запрашэньне Карзаі неўзабаве пасьля таго, як ён распачаў выконваць абавязкі кіраўніка часовага ўраду два тыдні таму.