ІСЛЯМАБАД. ЛідЭр Пакістану Пэрвэз Мушараф заявіў, што ўзброеныя сілы ягонай краіны гатовыя пасьпяхова супрацьстаяць усім пагрозам.
Выступаючы з нагоды 125-й гадавіны нараджэньня заснавальніка незалежнага Пакістану Махамэда Джынаха, Мушараф падкрэсьліў:
“ Мы гатовыя змагацца з усімі ўнутранымі і вонкавымі пагрозамі. І дазвольце мне запэўніць маіх суайчыньнікаў, нашыя ўзброеныя сілы гатовыя і здольныя адбіць усе пагрозы з дапамогай Алаху.
Тым часам, міністар абароны Індыі Джордж Фэрнандэз заявіў, што Індыя высунула на баявыя пазыцыі батарэі ракетаў клясы “зямля-зямля”, якія маюць радыюс дзеяньня да 150 км і здольныя несьці ядзерную зброю.