ВАШЫНГТОН. Злучаныя Штаты зноў заявілі пра сваю падтрымку ўступленьня ў НАТО балтыйскіх краінаў.
У Вашынгтоне ўчора адбылася сустрэча намесьніка дзяржсакратара ЗША Рычарда Армітэджа зь міністрамі замежных справаў Латвіі, Літвы і Эстоніі.
Паводле прадстаўніка дзярждэпартаманту ЗША Філіпа Рыкера, Армітэдж падкрэсьліў, што Вашынгтон вітае захады , якія робяць балтыйскія краіны, каб іх прынялі ў НАТО.
Армітэдж станоўча ацаніў унёсак Латвіі, Літвы і Эстоніі ў кіраваную Злучанымі Штатамі кампанію ў барацьбе з тэрарызмам.