ВАШЫНГТОН. У пошце, якая прыйшла ў будынак Фэдэральнай рэзэрвовай сістэмы – цэнтральнага банку ЗША – у Вашынгтоне знойдзены ўзбуджальнік сыбірскае язвы. Паводле прадстаўніка Фэдэральнай рэзэрвовай сістэмы, уся карэспандэнцыя, якая апошнім часам прыйшла ў гэтую ўстанову, будзе ўважліва перагледжаная і дасьледваная. Сёньня банк працуе ў звычайным рэжыме. Цягам апошніх месяцаў ў ЗША ад сыбірскае язвы сканалі пяць чалавек. Яшчэ 13 інфекаваных прайшлі курс лячэньня. У бальшыні выпадкаў крыніцай інфэнцыі былі лісты з бацыламі сыбірскае язвы. Паходжаньне небясьпечнай пошты пакуль ня высьветленае.