Вашынгтон. Амэрыканскі Кангрэс зацьвердзіў новае заканадаўства ў справе бясьпекі авіяцыі, якое робіць кантралёраў у аэрапортах фэдэральнымі дзяржаўнымі службоўцамі. Акт быў ухвалены сёньня Кангрэсам у адказ на тэрарыстычныя атакі на Нью-Ёрк і Вашынгтон 11 верасьня на захопленых самалётах. Прэзыдэнт ЗША Джордж Буш заявіў, што падпіша гэты акт. Паводле дакумэнту, каля 28 тысячаў кантралёраў багажу ў аэрапортах на працягу году пачнуць атрымліваць зарплату ад ураду ЗША.